Filmlərdə gördüyü oğurluğu öz evində reallaşdırmağa çalışan şəxs tutulub. Bu barədə BakuPlus.az DİN-ə istinadən bu gün, 4 yanvar tarixində xəbər verir.
Yanvarın 3-də günorta saatlarında Nərimanov rayonu, N.Hacıyev küçəsində yerləşən mənzillərin birindən naməlum şəraitdə 50.000 manat pul və 30.000 manat dəyərində qızıl əşyalarının oğurlanması barədə polisə məlumat daxil olub.
Polis əməkdaşlarının “isti iz”lərlə keçirdikləri əməliyyat-axtarış, əməliyyat-texniki tədbirlərlə oğurluq əməlini törədən ev sahibinin 2002-ci il təvəllüdlü oğlu olduğu müəyyən edilib.
O, oğurluq əməlini xüsusi və peşəkar oğrular tərəfindən törədilməsi görüntüsünü yaratmaq, iz itirmək məqsədilə filmlərdə gördüyü metod və vasitələrdən istifadə edib. Polis əməkdaşlarının tutarlı sübutları əsasında o, törətdiyi oğurluq əməlini etiraf edib, talanan pul vəsaitinin bir hissəsini və qızıl əşyalarını gizlətdiyi yerdən çıxararaq istintaqa tədim edib.
O, saxlanılaraq cinayət məsuliyyətə cəlb edilib.
Nərimanov RPİ İstintaq şöbəsində araşdırmalar davam etdirilir.
