Bir ay əvvəl Bakının Sabunçu rayonu, Zabrat qəsəbəsində üzərinə qaynar su tökülən kişi xəstəxanada ölüb. Bu haqda bu gün, 18 oktyabr tarixində Bakuplus.az Azərbaycanın Baş Prokurorluğun mətbuat xidmətinə istinadən xəbər verir.
40 yaşlı Fəqan Şirinov üzərinə qaynar su tökülməsi nəticəsində bədən xəsarətləri ilə Nərimanov Tibb Mərkəzinə yerləşdirilib. Həkimlərin səylərinə baxmayaraq, yaralı orada oktyabrın 15-də dünyasını dəyişib.
Faktla bağlı Sabunçu rayon prokurorluğunda cinayət işi başlanaraq istintaq aparılır.
Hadisə sentyabrın 16-da qeydə alınıb. 40 yaşlı Fəqan Şirinov və 21 yaşlı Nahid Həsənov Nərimanov Tibb Mərkəzinə yerləşdiriblər. Həsənov sentyabrın 24-də həmin tibb müəssisəsində dünyasını dəyişib. Şirinov bir ay ərzində müalicə almağa davam edirdi.
