Zaqatalada oğurluqlar edən və Bakıda vəsaiti xərcləyən şəxs tutulub. Bu haqda bu gün, 18 dekabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Zaqatala rayonunun Mamrux kəndində 2 evdən və mağazadan ümumilikdə 8 min manat dəyərində qızıl-zinət əşyaları, 4 min manat pul, 80 min rus rublu, eləcə də ümumi dəyəri 1000 manatdan artıq olan siqaret və telefon danışıq kartları oğurlanıb. Polis əməkdaşlarının həyata keçirdikləri əməliyyat-axtarış və istintaq tədbirləri nəticəsində cinayət əməlini törətməkdə şübhəli bilinən zərərçəkmişlərin həmkəndliləri, 22 yaşlı Heydər Paşayev saxlanılıb.
Paşayev əməlini etiraf edib və oğurladığı bəzi əşyalar maddi sübut kimi götürülərək istintaqa təhvil verilib. Araşdırma zamanı məlum olub ki, Paşayev Bakıya gedib və özünə kirayə mənzil tutub. Vəsaitin bir hissəsini paytaxtda əyləncə mərkəzlərində, qalanını isə geyim mağazalarında xərcləyib.
Faktla bağlı araşdırma aparılır, cinayət işi açılıb.
[caption id="attachment_123635" align="alignnone" width="640"]
Foto DİN[/caption]
