Xəzər rayonunun 2 qəsəbəsində qanunsuz tikililər aşkar edilib. Bu haqda bu gün, 3 aprel tarixində Bakuplus.az APA-ya istinadən xəbər verir.
Aparılan monitorinq zamanı Zirə və Şüvəlan qəsəbələrində qanunsuz tikinti işlərinin aparıldığı məlum olub. Dövlət Şəhərsalma və Arxitektura Komitəsi və Xəzər rayon İcra Hakimiyyəti nümayəndələrinin iştirakı ilə həyata keçirilən tədbirlər nəticəsində həmin tikililər sökülüb.
“Avqust ayında Zirə qəsəbəsindəki tikilinin sökülməsinə qərar verilmişdi. Tikinti işləri bir neçə dəfə dayandırılsa da, sahibkar tərəfindən yenidən tikintiyə cəhd göstərilib. Tikintiyə icazə sənədi yoxdur. Müəyyən hissə də qanunsuz zəbt olunub”, – deyə Baş Dövlət Tikinti Müfəttişliyinin İnzibati xətalar, tikintiyə nəzarət sektorunun müdiri Kərim Ağayev bildirib.
