Bakının Suraxanı rayonunda azyaşlı qızın zorakılığa məruz qalması faktı ilə bağlı cinayət işi açılıb, bir nəfər saxlanılıb. Bu haqda bu gün, 8 iyun tarixində Bakuplus.az Baş Prokurorluğun mətbuat xidmətinə istinadən məlumat verir.
Əməli törətməkdə təqsirləndirilən şəxs barəsində həbs qətimkan tədbiri seçilib.
Daha öncə məlum olub ki, Hövsan qəsəbəsində 14 yaşlı qız zorlanıb. Hadisə ilə bağlı onun anası polisə müraciət edib. O, 14 yaşlı qızının iki nəfər oğlan tərəfindən seksual zorakılığa məruz qaldığını bildirib. Qızın iddialarına görə, ona qarşı zorakılıq edən iki nəfərdən biri onun doğma qardaşı olub.
