Paytaxt məktəbinin şagirdləri musiqi müsabiqəsinin qalibi olublar. Bu haqda bu gün, 13 iyul tarixində Bakı Şəhər Mədəniyyət Baş İdarəsi məlumat verib.
C.Hacıyev adına 3 nömrəli onbirillik musiqi məktəbinin fortepiano şöbəsinin şagirdləri 8-10 yaş kateqoriyası üzrə “İnstrumental incəsənət” və “Fortepiano” nominasiyalarında iştirak ediblər. Onlar “Adagio" III Beynəlxalq Vokal-İnstrumental Musiqi Müsabiqəsinin laureatları olublar. Kseniya Bonos II dərəcəli, Mikayıl Ağalari I dərəcəli diplomla təltif ediliblər.
Həmçinin onların müəllimləri Hökümə Həsənova və Lalə Mahmudova “Təşəkkürnamə” ilə təltif ediliblər.
