Oktyabrın 26-da Beynəlxalq Muğam Mərkəzinin səhnəsində məşhur alman bəstəkarı və pianoçusu Florian Kristl konsert verəcək. Bu haqda bu gün, 24 oktyabr tarixində Bakuplus.az Azərtac-a istinadən məlumat verir.
Kristl Avropa, İngiltərə və Cənubi Qafqaza böyük payız turu çərçivəsində Bakıya gəlir. O, üç albomdan – “Inspiration” (2018), “Episodes” (2020) və əks-səda salmış “About Time”dan (2022) olan kompozisiyaları təqdim edəcək. Konsertə yeni kompozisiyalar da əlavə olunub.
Fortepianonun bəzən sakitləşdirici, yaxud da güclü səsləri, müstəsna dərəcədə yaradıcı simli aranjimanda Florian Kristlin musiqisini unikal edir. İmprovizə pianoçunun mühüm yaradıcı üslubudur.
