Azərbaycan Milli Xalça Muzeyi 55 illik yubileyi münasibətilə öz kolleksiyasına daxil olan yeni eksponatlar - XVIII əsrin əvvəllərinə aid bədii tikmə və XIX əsrin ikinci yarısına aid iki cüt sırğa təqdim edib. Bu haqda bu gün, 18 noyabr tarixində Bakuplus.az məlumat verib.
Tədbirdə ölkənin tanınmış simaları, mədəniyyət və incəsənət xadimləri və bir çox başqa qonaqlar iştirak ediblər.
Muzeyin direktoru Şirin Məlikova öz çıxışında qeyd edib ki, 17 noyabr Azərbaycan xalça sənəti UNESCO-nun Qeyri-Maddi Mədəni İrs üzrə Reprezentativ Siyahısına daxil edilib. Bundan əlavə, həmin gün görkəmli alim, xalçaçı-rəssam, Xalça Muzeyinin yaradıcısı Lətif Kərimovun doğum günüdür.
Həmin axşam bütün qonaqlar lotereyanın iştirakçısı olublar, qaliblər müxtəlif hədiyyələrin, o cümlədən muzey əməkdaşlarının toxunduğu kiçik xalçanın sahibi olublar. Tədbirin sonunda tort kəsilib.
[caption id="attachment_79614" align="alignnone" width="640"]
Foto Xalça Muzeyinin rəsmi İnstagram səhifəsi[/caption]
