“Qala” Dövlət Tarix-Etnoqrafiya Qoruğunun ərazisində yerləşən Əntiq Əşyalar Muzeyində Azərbaycanın ünlü mühacir şairi Almas İldırımın anadan olmasının 115-ci, vəfatının 70-ci ildönümü münasibətilə ədəbi-bədii tədbir keçirilib. Bu haqda BakuPlus.az Xəzər RİH-nin mətbuat xidmətinə istinadən bu gün, 12 sentyabr tarixində xəbər verir.
10 sentyabr tarixində baş tutan tədbir Azərbaycan Respublikası Milli Məclisinin Mədəniyyət komitəsinin, Xəzər Rayon İcra Hakimiyyətinin və “İçərişəhər” Dövlət Tarix-Memarlıq Qoruğu İdarəsinin birgə təşkilatçılığı ilə keçirilib.
“İçərişəhər” DTMQ İdarəsinin idarə heyətinin sədri Şahin Seyidzadə, Xəzər Rayon İcra Hakimiyyətinin başçısı Elşən Salahov, Milli Məclisin Mədəniyyət komitəsinin sədri Qənirə Paşayeva, millət vəkilləri Soltan Məmmədov, Rauf Əliyev, Elnur Allahverdiyev, Tamam Cəfərova, Almas İldırımın Bakıdakı qohumları və digər iştirakçılar onun keçdiyi çətin mühacirlik həyatından, yaradıcılığından, milli ruhunun qorunması, zənginləşdirilməsi yönündəki xidmətlərindən danışıblar.
Tədbirdə Qənirə Paşayevanın və fəlsəfə üzrə fəlsəfə doktoru, dosent Faiq Ələkbərlinin müəllifi olduğu “Bir Vətəndən bir Vətənə Almas Yıldırım” kitabının təqdimatı keçirilib.
Təqdimat Almas İldırımın sözlərinə yazılmış mahnıların ifası ilə davam edib.
[URIS id=69522]
