Bakıda Koreya və Azərbaycan arasında diplomatik münasibətlərin 30 ilinin tamam olması münasibətilə “k-pop” musiqi festivalı təşkil olunub. Bu haqda bu gün, 27 may tarixində APA məlumat verib.
Festivalın açılışında Cənubi Koreyanın Azərbaycandakı səfiri Li İn-Yonq çıxış edib.
Musiqi festivalında iştirakçılar “k-pop” üslubunda öz vokal və rəqs nömrələrini nümayiş etdirəcəklər. Münsiflər heyəti 9 iştirakçısı arasında ən yaxşı işi müəyyən edəcək. Qalib komanda Azərbaycanı Koreyada keçiriləcək Dünya K-pop Festivalında təmsil etmək şansı qazanacaq.
“K-pop” musiqi festivalı hər il Bakıda təşkil olunsa da, son iki ildə pandemiya səbəbindən keçirilməyib.
K-pop (Koreya pop musiqi) Cənubi Koreyada yaranan və Qərb elektropop, hip-hop, rəqs musiqisi və müasir ritm və blüz elementlərini özündə birləşdirən musiqi janrıdır.
[caption id="attachment_46123" align="alignnone" width="800"]
Foto Apa.az[/caption]
