Heydər Əliyev Mərkəzində “Çağırışın 17 siması” (“17 Faces of Action”) adlı fotosərgi açılıb. Bu haqda BakuPlus.az mərkəzin mətbuat xidmətinə istinadən bu gün, 28 oktyabr tarixində xəbər verir.
Bu gün açılan sərgi BMT-nin Cenevrə bölməsinin baş direktoru Tatyana Valovayanın təşəbbüsü, Heydər Əliyev Fondunun, İsveçrə Qadın və Gücləndirmə Assosiasiyasının (Association of Swiss Women & Empowerment) dəstəyi ilə təşkil olunub.
Açılış mərasimində çıxış edən BMT-nin Cenevrə bölməsinin baş direktoru Tatyana Valovaya “Çağırışın 17 siması” adlı fotosərginin reallaşdırılması prosesindən danışıb.
O həmçinin bildirib ki, sərgi Dayanıqlı İnkişaf Məqsədlərini özündə təcəssüm etdirir: “Azərbaycan “Çağırışın 17 siması” adlı fotosərginin həyata keçirilməsi təşəbbüsünə cavab verən ilk ölkə olub. Ona görə də bu gün Bakıda açılan ilk sərgi nadir və daha çox simvolikdir.”
[caption id="attachment_76867" align="alignnone" width="640"]
Foto Heydər Əliyev Mərkəzinin rəsmi Facebook səhifəsi[/caption]
