“Mirvarid Dilbazi Poeziya Məclisi” ictimai birliyinin sədri, Azərbaycan Yazıçılar Birliyinin üzvü, şair-publisist Güllü Eldar Tomarlının təşəbbüsü və rəhbərliyi ilə yaradılan Kəlağayı Muzeyinin açılış mərasimi olub. Bu haqda bu gün, 21 noyabr tarixində Azərtac məlumat verib.
Muzeyin ekspozisiyası 40 kvadratmetr sahəni əhatə edir. Buraya ümumilikdə 150-dən çox eksponat - qədim Azərbaycan kəlağayıları, eləcə də müxtəlif əl işləri daxildir.
Açılışda Azərbaycanla yanaşı, Özbəkistandan gəlmiş tanınmış elm adamları - Özbəkistan Respublikasının Ali və Orta ixtisas Təhsil Nazirliyinin, Miqumi adına Kokand Dövlət Pedaqoji İnstitutunun, Əlişir Nəvai adına Dövlət Ədəbiyyat Muzeyinin nümayəndələri iştirak ediblər. Qonaqlar muzeyə Özbəkistan milli baş örtüyünü və üzəri xüsusi bəzəklə işlənmiş qab hədiyyə ediblər.
Sonda Özbəkistandan gələn qonaqlara Azərbaycan kəlağayıları hədiyyə edilib.
[caption id="attachment_79998" align="alignnone" width="640"]
Foto Azərtac.az saytı[/caption]
