Bakıda 13-cü Bakı Beynəlxalq Qısa Filmlər Festivalının qalibləri bəlli olub. Bu haqda BakuPlus.az Apa-ya istinadən bu gün, 16 noyabr tarixində xəbər verir.
Ötən gün festivalın bağlanış mərasimi baş tutub. Mərasimdə qaliblər mükafatlandırılıblar.
Qalibləri sizə təqdim edirik:
- Ən yaxşı bədii film: “Hasar”, rejissor Qulu Əsgərov;
- Ən yaxşı ssenari müəllifi: “Sonuncu foto”, ssenari müəllifi və rejissor Türkan Hüseyn;
- Ən yaxşı rejissor: “Son payız”, ssenari müəllifi və rejissor Rüstəm Babazadə;
- Ən yaxşı sənədli film: “Toz çəkiləndən bəri”, rejissor Toğrul Abbasov;
- Ən yaxşı tələbə işi: “Motivator, rejissor Kamal Müşfiq;
- Ən yaxşı sosial çarx: “Onun kamerası”, rejissor Böyükağa Əliyev;
- Münsiflər Heyətinin xüsusi mükafatı: Səddam Mehdiyev, Murad Hüseynov – “İki yol” və “Vəhşi durnalar mövsümü” filmlərinə görə.
Rejissorlar Amil Amal, Elnur Paşa, Cavad Nur, Ruslan Mollayev isə münsiflərin xüsusi diplomlarına layiq görülüblər.
