Dekabrın 7-də “NUR Art House” qalereyasında “Ambassador Cultural Club” layihəsi çərçivəsində “Polşa Azərbaycan rəssamlarının gözü ilə” mövzusunda seminar keçiriləcək. Tədbir Polşanın Azərbaycandakı səfirliyinin təşəbbüsü və Arts Council Azerbaijan-ın dəstəyi ilə təşkil olunur. Bu haqda bu gün, 4 dekabr tarixində Bakuplus.az məlumat verir.
Seminarın kuratoru Samirə Faizovadır. Təşkil olunacaq yaradıcı gecədə rəssamlar Eldar Babazadə, Röya Həsənova, Günay Bəylərova, Məryəm Kiblayeva, Leyla Orucova, Nailə Aslanova, Katerina Rudakova, Sevda Rüstəmova, Ehtiram Rüstəmov və Mələk Abbaszadə iştirak edəcəklər.
Arts Council Azerbaijan-ın bu seminarı keçirməkdə əsas məqsədi gənc nəsildə incəsənətə marağı daha da artırmaq və Azərbaycan rəssamlarının yaradıcılığını təbliğ etməkdir.
Tədbir saat 11:00-16:00 aralığında keçiriləcək. Ünvan: Qəsr küçəsi, 27. Əlaqə üçün: +994 12 4970454.
