Paytaxtda oktyabrın 29-da yazıçı Seymur Orucun “Nikolya Boneni Şərqə aparan hekayə” kitabının təqdimatı və imza günü baş tutacaq. Bu haqda bu gün, 23 oktyabr tarixində Bakuplus.az Libraff.az-a istinadən xəbər verir.
“Nikolya Boneni Şərqə aparan hekayə” romanı 2022-ci ildə “TEAS PRESS” Nəşriyyat evinin təsis etdiyi “Gənclərin roman müsabiqəsi”ndə 2-ci yer tutub.
Kitabda Şərq-Qərb münasibətləri və cəmiyyətlər, dəyərlər arasındakı fərqlərin müşayiəti, eləcə də müəllifin Avropa paytaxtlarına – Parisə, Londona, ardınca isə Qafqaza kimi gətirən həqiqət axtarışının hekayəsi barədə danışılır.
Görüş saat 14:00-da “Libraff” kitab mağazaları şəbəkəsinin “Park Akademiya” filialında təşkil olunacaq.
Tədbirdə iştirak sərbəstdir. Ünvan: Hüseyn Cavid pr., 100 (“Elmlər Akademiyası” m/s-nın əsas girişi ilə üzbəüz).
