Bu gün Əməkdar artist Şölə Səfərəliyeva 38 yaşını qeyd edir. Bu haqda Bakuplus.az məlumat verir.
Şölə Cavanşir qızı Səfərəliyeva 29 avqust 1984-cü ildə Bakı şəhərində anadan olub. 1991-ci ildə 200 nömrəli Məktəb-LiseyKompleksində orta təhsilə başlayıb. O, 11 yaşında mərhum bəstəkar Rauf Babayevin rəhbərlik etdiyi "Bəri Bax" uşaq ansamblının solisti olub.
Səfərəliyeva 2003-cü ildə keçirilən ilk “Sing Your Song”, 2005-ci ildə keçirilən ikinci “Azəri Star” müsabiqələrində solo ifaçı kimi finala çıxıb və diplomlara layiq görülüb. Eyni zamanda 2010-cu il üçün keçirilən “Avroviziya” müsabiqəsinin final seçmə turlarında iştirak edib.
2015-ci ildə Qazaxıstanın Atırau şəhərində diasporamızın təşkilatçılığı ilə keçirilən 10 may - Ulu Öndər Heydər Əliyevin doğum gününə həsr olunan dövlət tədbirində solo konsertlə çıxış edib. 1992-ci ildən davam edən musiqi fəaliyyətində “Bəri bax”, “Qaya” dövlət ansambllarındakı çıxışları ilə yanaşı, solo yaradıcılığında da uğurları az deyil.
27 may 2018-ci ildə “Əməkdar artist” fəxri adına layiq görülüb. 2018-ci ilin iyul ayında Gənclər və İdman Nazirliyinin təşkil etdiyi, MDB ölkələrinin gəncləri üçün keçirilən ilk yay düşərgəsində estrada vokal dərsində ustad dərsi keçib. 2019-cu ildə Azərbaycan Milli Konservatoriyasının Populyar musiqi və caz fakültəsinin magistr pilləsinə (solo oxuma) qəbul olub.
