Bu gün Əməkdar artist Mehriban Xanlarova 55 yaşını qeyd edir.
Azərbaycan Respublikasının Əməkdar artisti Mehriban Xanlarova 1967-ci il avqustun 12-də Bakıda anadan olub. Orta təhsilini Yasamal rayonundakı 190 saylı orta məktəbdə alıb. 1986-cı ildə Azərbaycan Dövlət İncəsənət İnstitutunun Dram və kino aktyorluğu fakültəsinə daxil olub. 1990-cı ildə görkəmli aktyor, Xalq artisti Məlik Dadaşovun rəhbərlik etdiyi kursu bitirib və 1998-ci ildən Akademik Milli Dram Teatrında çalışmağa başlayıb.
Xarici film istehsalçılarının “Bizim məhəllə” (2000 / Türkiyə) serialında Seda rolunda, “Cinlər və pərilər” (2000 / Türkiyə) serialında Leyla rolunda, “İtirilmiş pay” (2007, rejissor Həsən Nəcəfi / İran), “Raami” (2007, rejissor Babək Şirinsifət / İran) filmlərində çəkilib. Onun bir çox yerli filmlərdə aldığı rollar tamaşaçıların rəğbətini qazanıb.
24 dekabr 2002-ci ildə Azərbaycan Respublikasının Əməkdar artisti fəxri adına layiq görülüb.
Mehriban Xanlarova 2018-ci ildə "Manqurt" tamaşasında ifa etdiyi Nayman Ana obrazına görə Bişkekdə keçirilən Çingiz Aytmatovun 90 illik yubileyinə həsr olunmuş "Aytmatov və teatr" festivalında "İkinci planda ən yaxşı qadın rolu" nominasiyasının qalibi olub.
[video width="1080" height="1080" mp4="https://bakuplus.az/storage/photos/2022/08/mehriban.mp4"][/video]
