Bu gün Azərbaycan kino və televiziya rejissoru, ssenarist, kinooperator, Azərbaycanın Əməkdar incəsənət xadimi Ələkbər Muradovun doğum günüdür. Bu haqda məlumatı Bakuplus.az verir.
Ələkbər Muradov 1 avqust 1948-ci ildə Bakıda anadan olmuşdur. Azərbaycan Neft-Kimya İnstitutunda, Moskvada Ümumittifaq Dövlət Kinematoqrafiya İnstitutunun kinooperatorluq fakültəsində təhsil almışdır. "Azərbaycanfilm" kinostudiyasında, AzTV-nin "Ekran" Yaradıcılıq Birliyində çalışmışdır. Bir müddət Lider TV-də və İctimai TV-də işləmişdir.
Muradov 2005-ci ildə Əməkdar incəsənət xadimi fəxri adına layiq görülmüşdür.
Ələkbər Muradov 2013-cü il avqustun 1-də 65 yaşında qan xərçəngi xəstəliyindən dünyasını dəyişib.
