Azərbaycanın mədəniyyət naziri Anar Kərimov Bakıda rejissor və prodüser Timur Bekmambetov ilə görüşüb. Bu haqda bu gün, 28 iyul tarixində Mədəniyyət Nazirliyinin mətbuat xidməti məlumat verib.
Görüşdə Azərbaycan kino sənayesinin inkişafı və perspektivləri, birgə layihələrin həyata keçirilməsi, o cümlədən Azərbaycanda animasiya filmləri məktəbinin yaradılması imkanları ətrafında fikir mübadiləsi aparılıb.
Timur Bekmambetov qazax və rusiyalı rejissor, prodüser, ssenarist, texnoloji sahibkar, “Bazelevs” şirkətinin yaradıcısıdır. Bekmambetova şöhrət gətirən ilk film Sergey Lukyanenkonun eyniadlı romanı əsasında çəkilmiş "Gecə Gözətçisi" (“Ночной дозор”) olub. 2005-ci ildə o, Hollivuda dəvət olunub və orada “Fox film” şirkətlərinin bir sıra layihələrində iştirak edib.
