Bakının “Yaşıl Teatr”ında 17 avqust axşam saatlarında Müslüm Maqomayevin 80 illik yubileyinə həsr olunmuş konsert keçirilib. Bu haqda bu gün, 18 avqust tarixində Bakuplus.az məlumat verir.
Azərbaycan Respublikasının Prezidenti İlham Əliyev və birinci xanım Mehriban Əliyeva tədbirdə iştirak ediblər.
Daha sonra Azərbaycan Respublikasının Xalq artistləri Azər Zeynalov, Dinara Əliyeva, Elçin Əzizov, Emin Ağalarov, Samir Cəfərov, Əməkdar artist Azər Rza, Başqırdıstan Respublikasının Xalq artisti Əsgər Abdrazakov, Gürcüstanın Xalq artistləri Nani Breqvadze, Vaxtanq Kikabidze, italiyalı tenor, dünya şöhrətli müğənni Alessandro Safina, Nürnberq Opera Teatrının solisti Cavid Səmədov, Rusiyanın Əməkdar artisti Yana Melikayeva və digər ustadlar Azərbaycan və xarici bəstəkarların əsərlərini ifa ediblər. Bundan əlavə, Müslüm Maqomayevin repertuarından əsərlər səsləndirilib, görkəmli müğənni haqqında videoçarxlar nümayiş olunub.
Konsertin son hissəsində Prezident İlham Əliyev, birinci xanım Mehriban Əliyeva və ustadın xanımı, SSRİ Xalq artisti, tanınmış opera müğənnisi Tamara Sinyavskaya səhnəyə çıxaraq ifaçılarla görüşüblər.
[caption id="attachment_59495" align="alignnone" width="800"]
Foto President.az saytı[/caption]
