Özbəkistandan olan opera müğənnisi, “Reqistan” ansamblının rəhbəri Xursand Şerov Daşkənddən 14 min km məsafəni velosipedlə qət etdikdən sonra Müslüm Maqomayevin xatirəsini yad etmək və məzarı üzərinə gül dəstələri qoymaq üçün Bakıya gəlib. Bu haqda bu gün, 1 noyabr tarixində Bakuplus.az məlumat verir.
Müğənni vətəni Özbəkistan və Azərbaycanın bayraqları ilə velosipedlə artıq 7 ildir ki, dünyanı gəzir. O, Özbəkistan-Rusiya-Azərbaycan veloyürüşünü Müslüm Maqomayevin anadan olmasının 80 illiyinə həsr edib.
2 noyabr saat 19:00-da Rus Evində Xursand Şerovun konserti olacaq. Giriş sərbəstdir.
