Görkəmli dirijor və dünya şöhrətli bəstəkar, SSRİ Xalq Artisti, Sosialist Əməyi Qəhrəmanı, Azərbaycan və SSRİ dövlət mükafatları laureatı Maestro Niyazinin anadan olmasının 110 illiyi ilə əlaqədar xatirəsi anılıb. Bu haqda bu gün, 20 avqust tarixində Report məlumat verib.
Mədəniyyət Nazirliyinin rəsmiləri, ictimaiyyət nümayəndələri, Azərbaycan Musiqi Mədəniyyəti Dövlət Muzeyinin əməkdaşları, tanınmış mədəniyyət xadimləri və bəstəkarlar Fəxri xiyabana gələrək maestronun məzarı önünə gül dəstələri qoyublar.
Məşhur azərbaycanlı dirijor və bəstəkar Niyazi Zülfüqar bəy oğlu Tağızadə (Hacıbəyov) 1912-ci il avqustun 20-də Tiflis şəhərində ziyalı ailəsində doğulub. Maestro Niyazi bir sıra dövlət mükafatlarına, SSRİ Xalq artisti fəxri adına layiq görülmüş, orden və medallarla təltif edilmişdir.
[caption id="attachment_59999" align="alignnone" width="800"]
Foto Report.az saytı[/caption]
