Bakıda xalça motivləri əsasında hazırlanan geyimlərin moda gecəsi keçirilib. Bu haqda BakuPlus.az bu gün, 4 iyun tarixində xəbər verir.
Heydər Əliyev Mərkəzindəki təqdimat zamanı “AFFFAIR" markasının təsisçisi Rüfət İsmayılın qədim çeşnilər - “Açma-yumma”, “Qarabağ”, “Naxçıvan”, “Ovçuluq”, “Pazırıq” xalçalarının elementlərindən ruhlanaraq hazırladığı dizaynlar əsasında “Azərxalça” ASC-nin kreativ komandasının ərsəyə gətirdiyi yeni xalçalar və “Sumakh” geyim kolleksiyası nümayiş etdirilib.
“AFFFAIR in Carpets” adlı nümayişdə "Sumakh Haute Couture" və "Sumakh Affordable Luxury" kolleksiyalarından olan qeyimlərin dəfiləsi keçirilib. Qeyd edək ki, "Sumakh Haute Couture" bu günədək Paris və Moskvada "Sumakh Affordable Luxury" kolleksiyası isə ilk dəfə məhz Bakıda nümayiş olunub.
Kolleksiyaya daxil olan 5 məşhur xalça motivi əsasında yaradılan əsərlər isə xüsusən diqqət çəkib.
“Açma-yumma”, “Qarabağ”, “Naxçıvan”, “Ovçuluq”, “Pazırıq” adlı xalçalar öz orijinallığı ilə göz oxşayıb.
