Heydər Əliyev Mərkəzində dünya şöhrətli Azərbaycan əsilli fransız fotoqraf Reza Deqatinin 70 illik yubileyinə həsr olunmuş “Keçmiş və gələcək bəşəriyyətin şahidi” adlı tədbir keçirilib. Bu haqda 26 iyul tarixində Report məlumat verib.
Tədbirdə mədəniyyət naziri Anar Kərimov, Müdafiə Nazirliyinin Mətbuat Xidmətinin rəis müavini, polkovnik-leytenant Anar Eyvazov, təhsil nazirinin müavini Firudin Qurbanov və digər ictimaiyyət nümayəndələri iştirak ediblər.
Axşamda Reza Deqatinin həyat və yaradıcılığına həsr olunmuş videoçarx nümayiş olunub.
Reza Deqati 55 ildir ki, fotoqraf kimi fəaliyyət göstərir, dünyanın müxtəlif ölkələrində 460-dan çox sərgi keçirib. Onun 10.000-dən çox fotoşəkili “National Geographic”, “Paris Match”, “Stern”, “Figaro”, “New York Times” kimi tanınmış beynəlxalq jurnallarda dərc olunub. Azərbaycan həqiqətlərinin dünya ictimaiyyətinə çatdırılması istiqamətində uzun illər səmərəli fəaliyyətinə görə Reza Deqati “Dostluq” ordeni ilə təltif edilib.
[caption id="attachment_54105" align="alignnone" width="800"] Foto Report.az saytı[/caption]
