Kino aktrisası, pedaqoq, Azərbaycan Kinematoqrafçılar İttifaqının (AKİ) üzvü Fərqanə Quliyeva dünyasını dəyişib. Bu haqda bu gün, 22 sentyabr tarixində AKİ-nin mətbuat xidməti məlumat verib.
Fərqanə Quliyeva 29 aprel 1957-ci ildə anadan olmuşdur - məktəb illərində bədii qiraətlə məşğul olmuş, həm də “Şən və hazırcavablar klubu”nun (KVN) üzvü olmuşdur. Moskvada Ümumittifaq Dövlət Kinematoqrafiya İnstitutunda aktyorluq təhsili almışdır.
Azərbaycan Dövlət Mədəniyyət və İncəsənət Universitetində və Bakı Xoreoqrafiya Akademiyasında pedaqoji fəaliyyətlə məşğul olmuş, teatr və kino sənətindən dərs demişdir.
Fərqanə Quliyeva "Azərbaycanfilm" kinostudiyasının layihələrində - "Gözlə məni", "Gümüşü furqon", "Qaladan tapılan mücrü", "Tilsim", "İki yad adam" və s. filmlərdə maraqlı obrazlar yaratmışdır. Həmçinin aktrisa cizgi filmlərində səsli aktyor kimi iştirak edib.
