Noyabrın 3-ü saat 19:00-da pianoçu Ülviyyə Abdullayeva Bakının YARAT Müasir İncəsənət Mərkəzində ikinci konsertini verəcək. O, müxtəlif əsərlərlə zənginləşdirilmiş yeni repertuarını doğma şəhərində təqdim edəcək. Bu haqda bu gün, 23 oktyabr tarixində Bakuplus.az YARAT-a istinadən məlumat verir.
Konsert Ülviyyə Abdullayeva ilə ispaniyalı rəssam və heykəltaraş Nani Boronatın birgə layihəsinin davamı olmaqla yanaşı, “CENTINELAS” adlı genişmiqyaslı antropoloji və estetik tədqiqatın bir hissəsidir.
Sözügedən layihə ispan ənənələrini Azərbaycan ənənələri ilə birləşdirir. Layihə müəllifləri Qranadadakı (İspaniya) Əlhambra Sarayını və Bakıdakı Şirvanşahlar Sarayını Aralıq dənizi mədəniyyətlərinin ərazisini tamamilə əhatə edən mədəni körpünün iki üzü hesab edirlər.
Konsertə giriş pulsuzdur.
