Bakının Müasir İncəsənət Muzeyində “İkinci nəfəs” sərgisinin açılış mərasimi keçirilib. Bu haqda 1 oktyabr tarixində Report məlumat verib.
Sərgi Azərbaycan Mədəniyyət Nazirliyi, Mədəniyyət Şəbəkəsi Evi (CNH) İctimai Birliyi və Müasir İncəsənət Muzeyinin birgə əməkdaşlığı ilə keçirilir.
Açılış mərasimində mədəniyyət naziri Anar Kərimov, dövlət qurumlarının nümayəndələri, mədəniyyət xadimləri iştirak ediblər.
Sərgidə 41 rəssamın 1960-1990-cı illərdə yazdığı 72 əsər nümayiş olunur. Təqdim olunan əsərlər arasında rəssamlar Səttar Bəhlulzadə, Tahir Salahov, Toğrul Nərimanbəyov, Salam Salamzadə, Hafiz Məmmədov, Mikayıl Abdullayev və başqalarının əsərləri var.
[caption id="attachment_74783" align="alignnone" width="640"]
Foto Report.az saytı[/caption]
