Milli Tarix Muzeyində 300 ədəd unikal silah sərgilənəcək. Bu haqda 22 iyun tarixində Bizim.Media məlumat verib.
Muzeyin Silahlar və Bayraqlar fondunda saxlanılan müdafiə, soyuq və odlu silahlardan ibarət “Silahın mistik gözəlliyi (XVI-XIX əsrlər Azərbaycan silahı)” adlı sərgi keçiriləcək. Azərbaycan silahları ilk dəfə olaraq sənətkarlıq və incəsənət nümunələri kimi təqdim ediləcək. Sərgidə 300 ədəd unikal dekorativ tərtibatlı silah nümayiş olunacaq.
Sərgi 28 iyun – 15 sentyabr 2022-ci il tarixlərində davam edəcək. Giriş ödənişli olacaq və böyüklər üçün biletlərin qiyməti 2 manat, uşaqlar üçün isə 1 manat təşkil edəcək.
[URIS id=49448]
