Azərbaycan Dövlət Akademik Musiqili Teatrında “999-cu gecə” tamaşasının nümayişi olacaq. Bu haqda 3 oktyabr tarixində Bakuplus.az məlumat verir.
“Min bir gecə” nağıllarının motivləri əsasında hazırlanan “999-cu gecə” tamaşası oktyabrın 15-də göstəriləcək. Tamaşanın quruluşçu rejissoru Prezident mükafatçısı İradə Gözəlova, rejissoru Elməddin Dadaşov, quruluşçu dirijoru Əməkdar incəsənət xadimi Fəxrəddin Atayev, quruluşçu rəssamı Əməkdar rəssam Nabat Səmədova, xormeysteri Əməkdar artist Vaqif Məstanov, quruluşçu baletmeysterləri Əməkdar artistlər Zakir və Leyla Ağayevlər, konsertmeysteri Fidan Babayeva, rejissor assistenti Sevinc Məmmədovadır.
Tamaşanın premyerası 2016-cı il mayın 25-də baş tutub. Səhnə əsərinin süjet xəttinin əsasını çəkməçi Marufla ifritə arvadı arasındakı təzadlı, ziddiyyətli münasibətlər təşkil edir. Musiqi tərtibatında dahi bəstəkar Fikrət Əmirovun dünyaca məşhur “Min bir gecə” baletinin musiqilərindən və onun digər əbədiyaşar əsərlərindən istifadə olunub.
[caption id="attachment_72782" align="alignnone" width="640"]
Foto İticket.az saytı[/caption]
