Filarmoniyanın Kamera və Orqan musiqisi zalında noyabrın 17-də “Azərbaycan, yazın gəldi” adlı tədbir keçiriləcək. Bu haqda bu gün, 13 noyabr tarixində Bakuplus.az xəbər verir.
Konsert “Ümummilli lider Heydər Əliyev ili” tədbirlər proqramı çərçivəsində Milli Dirçəliş Gününə həsr olunub. Musiqi axşamında “Şəms Qəmər” xor kollektivi çıxış edəcək. Həmçinin Azərbaycan Dövlət Simli Kvartetinin iştirakı ilə Azərbaycan bəstəkarlarının müxtəlif əsərləri təqdim olunacaq.
Bədii rəhbər Leyla Zaliyeva, xorun dirijoru isə Xanımana Məmmədzadədir.
Tədbir saat 19:00-da baş tutacaq. Giriş sərbəstdir. İştirak etmək istəyənlər linkə keçid edərək rəydə “+” işarəsi yaza bilərlər. Ünvan: 28 May küçəsi, 41.
