Dünyada 5 kənd təsərrüfatı muzeyindən biri də Bakıda yerləşir. Bu haqda bu gün, 22 avqust tarixində Bakuplus.az AzTV-yə istinadən xəbər verir.
Paytaxtın Binəqədi rayonu, 8-ci mikrorayon, S.S.Axundov küçəsi, 73C ünvanında yerləşən muzey 98 il əvvəl yaradılıb və YUNESKO-nun Beynəlxalq Muzeylər Şurasının üzvü sayılır.
Burada 15.000-dən artıq eksponat saxlanılır. Onların arasında müxtəlif dövrlərdə Azərbaycanın ayrı-ayrı bölgələrində istifadə edilən kənd təsərrüfatı alətləri, XVIII və XIX əsrlərə aid insanların məişətini və təsərrüfat həyatını əks etdirən eksponatlar, eləcə də Qarabağ atlarının ötən əsrdə xarici ölkələrdə aldığı mükafatlar nümayiş olunur.
Ən maraqlı eksponatlardan biri də 2 zəngli qapıdır. “Daqqılbab” və “Zəndulbab” adlı zənglər müvafiq olaraq kişi və qadınlar üçün nəzərdə tutulub. Kişilərin və qadınların üz-üzə gəlməməsi üçün qapılara ayrı zənglər quraşdırılmışdır. Həmçinin burada təndirdə çörək bişirilmə prosesinə canlı şahid olmaq mümkündür.
Muzeyə giriş pulsuzdur.
[URIS id=61832]
