Azərbaycanın Xalq artisti Vaqif Abutalıbov vəfat edib. Bu haqda BakuPlus.az Oxu.az-a istinadən bu gün, 17 sentyabr tarixində xəbər verir.
V. Abutalıbov ötən gün 73 yaşında dünyasını dəyişib.
O, 16 yaşından kərənay ifaçısı kimi müxtəlif musiqi birliklərində çalışıb. V.Abutalıbov yaradıcılığa Tofiq Əhmədovun rəhbərlik etdiyi musiqi ansamblından başlayıb, sonra fəaliyyətini “Qaya” vokal-instrumental ansamblında davam etdirib.
Onun yaradıcılığının ən parlaq dövrü Rəşid Behbudovun rəhbərlik etdiyi ansamblın fəaliyyəti ilə bağlıdır. V.Abutalıbov dünyanın bir çox ölkələrində Azərbaycan musiqisini tanıtma missiyasına layiqincə xidmət edib.
V.Abutalıbov Əməkdar artist və Xalq artisti fəxri adlarına layiq görülüb.
Mərhum Yasamal qəbiristanlığında torpağa tapşırılacaq.
