Azərbaycan Milli Xalça Muzeyində “Azərbaycan nağılı” adlı sərgi açılıb. Bu haqda bu gün, 28 fevral tarixində Bakuplus.az muzeyə istinadən xəbər verir.
Xalq rəssamı Arif Hüseynovun 80 illik yubiyeli və yaradıcılığının 55-ci ili münasibətilə Azərbaycan xalq nağıllarına, hər kəsin tanıdığı və sevdiyi nağıl obrazlarına həsr olunan 54 qrafik lövhə nümayiş olunur.
Rəssamın ilk dəfə rəqəmsal çap formatında işlədiyi özünəməxsus, orijinal üslubda əsl sənətkarlıq və sevgi ilə yaratdığı bu əsərlər Azərbaycanın xovsuz və xovlu xalçalarının məşhur kompozisiyaları ilə haşiyələnib.
[URIS id=91163]
