Bakıdakı “Suraxanı” gəmi-muzeyində Zəfər Günü münasibətilə noyabrın 8-də “Açıq qapı günü” elan edilib. Bu haqda bu gün, 3 noyabr tarixində Bakuplus.az məlumat verir.
Gün ərzində bütün ziyarətçilər üçün muzeyə giriş sərbəst olacaq.
Muzey 10 ekspozisiya zalından ibarətdir. Ziyarətçilər 5000 illik Xəzər dənizinin tarixi, Abşeronda neft hasilatı, gəmiçiliyin inkişafı, dünyanın ilk gəmiləri, dəniz nəhəngləri, gəmiçiliyin ayrılmaz atributları sayılan naviqasiya vasitələri, tarixi keçmişə malik dəniz qovşaqları, eləcə də gəmilərin istismarında istifadə olunan avadanlıqlarla tanış olmaq imkanı əldə edəcəklər.
Vətən müharibəsi, Birinci Qarabağ müharibəsi, Böyük Vətən müharibəsi veteranları, Əfqanıstan veteranları, I və II qrup əlillər, 20 Yanvar və Çernobıl əlilləri, şəhid ailələrinin üzvləri, qazilər və dənizçilər üçün muzeyə baxış il boyunca pulsuzdur.
