Heydər Əliyev Mərkəzinə nadir eksponatlar gətirilir. Bu haqda bu gün, 25 oktyabr tarixində Bakuplus.az mərkəzə istinadən xəbər verir.
“Uzun Həsən – Ağqoyunlu dövlətinin hökmdarı” sərgisi çərçivəsində İstanbuldakı Hərb Muzeyində (Harbiye Askeri Müzesi ve Kültür Sitesi Komutanlığı) saxlanılan və indiyə qədər Türkiyə hüdudlarından kənara çıxarılmayan tarixi eksponatlar ilk dəfə Azərbaycanda təqdim ediləcək.
Sərgidə Uzun Həsənin həyatı, onun yaratdığı Ağqoyunlu dövlətinə dair məlumat əldə etmək və eksponatları izləmək mümkün olacaq. Həmçinin Ağqoyunlu dövləti dövrünə aid miniatürlərin əks olunduğu xalçalar, eləcə də Uzun Həsənin obrazını əks etdirən çini heykəlciklər də hazırlanır.
Tədbir 1 noyabr 2023-cü il - 17 yanvar 2024-cü il tarixləri arası Heydər Əliyev Mərkəzində təşkil olunacaq.
