Bakı Uşaq və Gənclər Teatrı mövsümün bağlanış tamaşasını Azərbaycan Dövlət Akademik Musiqili Teatrının səhnəsində nümayiş etdirib. Bu haqda BakuPlus.az Azərtac-a istinadən bu gün, 15 iyul tarixində xəbər verir.
Teatr mövsümü “Cənnətə bilet” tamaşası ilə bağlı elan edib.
Tamaşa torpaqlarımızın azadlığı uğrunda şəhid olan qəhrəmanlara həsr olunub.
Səhnə əsərində teatrın aktyorlarından Qurban Əhmədov, Mehman Piriyev, Flora Hüseynova, Gülnar Əlizadə, Toğrul İsabəyli, Əli Babayev çıxış ediblər.
Tamaşanın ssenari müəllifi və rejissoru İlhamə Əhmədova, quruluşçu rəssamı Sevda Məmmədova, musiqi tərtibatçısı Rauf Hüseynli, dekor müəllifi isə Ceyhun Həşimovdur.
