“Azərbaycanım” adlı Respublika Uşaq Rəsm Festivalına start verilib. Bu haqda məlumat Xətai Sənət Mərkəzinin səhifəsində paylaşılıb.
Qeyd olunur ki, festivalda, həmçinin mühüm yer tutacaq müsabiqə də keçiriləcək.
“Şuşa şəhəri ili” çərçivəsində keçirilən bədii layihənin məqsədi istedadlı uşaq, yeniyetmə və gənclərin bacarıqlarının inkişaf etdirilməsi, onların yaradıcılıq fəaliyyətinin aktivləşdirilməsi, habelə Azərbaycanın işğaldan azad edilmiş ərazilərinin mədəni irsinin daha geniş təbliğidir.
Müsabiqədə 21 yaşa çatmamış uşaqlar və gənclər iştirak edə bilər. Layihədə iştirak etmək istəyənlər 2 may 2022-ci il tarixinədək sənət əsərinin şəklini, adını, həmçinin ad, soyad, doğum ili, təhsil müəssisəsi və əlaqə nömrəsini qeyd etməklə Facebook sosial şəbəkəsində olan “Xətai Sənət Mərkəzi” qrupuna göndərə bilərlər. İştirakçılar müsabiqəyə ikidən çox olmayan iş təqdim edə bilərlər. Şəkillərin mövzusu sərbəstdir.
Əsərlərin seçimi aşağıdakı yaş kateqoriyaları üzrə aparılacaq: 11 yaşa qədər, 11-16 yaş arası və 16-21 yaş arası.
Əlavə məlumat üçün (051) 310-74-01 nömrəsi ilə WhatsApp vasitəsilə əlaqə saxlaya bilərsiniz.
Sərgidə əsərləri nümayiş olunacaq müəlliflər müvafiq sertifikatlar alacaqlar.
