Milli Elmlər Akademiyasında “Məzhər-üt-türki” kitabının təqdimatı baş tutacaq. Bu haqda bu gün, 14 noyabr tarixində Bakuplus.az Azərtag-a istinadən xəbər verir.
XVIII əsrin Azərbaycan alimi Əbdürrəhim Ərdəbili Şirvaninin “Məzhər-üt-türki” kitabının tərtibçisi, “Ön söz” və şərhlərin müəllifi AMEA Nəsimi adına Dilçilik İnstitutunun direktoru professor Nadir Məmmədlidir.
Dərslik olan kitab təxminən 270 il əvvəl, Nadir Şah Əfşar dövründə Qızılbaş türkcəsini qeyri-türklərə öyrətmək məqsədilə yazılıb. İranın Qum şəhərində mühafizə olunan Azərbaycan dili və tarixi üçün bu qiymətli əlyazmanı Tehranın Fərhangiyan Universitetinin Fars dili və ədəbiyyatı fakültəsinin dosenti, əslən azərbaycanlı İxtiyar Bəxşi professor Nadir Məmmədliyə hədiyyə edib.
Tədbir 17 noyabr tarixində keçiriləcək.
