Bakıdakı YARAT Müasir İncəsənət Mərkəzi və XX-XXI əsrlər Azərbaycan Rəngkarlığı Muzeyində uşaqlar üçün bir sıra ustad dərsləri təşkil olunacaq. Bu haqda bu gün, 7 dekabr tarixində Bakuplus.az məlumat verir.
10 dekabr – 12:00 (4-8 yaşlı uşaqlar üçün)
- Mövzu: "Birlikdə";
- Tütor: Aida Əzimova;
- Yer: YARAT Müasir İncəsənət Mərkəzi.
Əvvəlcə ustad dərsinin iştirakçıları sevginin onlar üçün nə ifadə etdiyini pazlın müəyyən hissələri üzərində rəngli markerlər, boyalar, stikerlər vasitəsilə təsvir edəcəklər, daha sonra boyadıqları pazlın hissələrini öz aralarında yekun əsər formasında birləşdirəcəklər.
16 dekabr – 12:00 (8-12 yaşlı uşaqlar üçün)
- Mövzu: "Yerlə göy arasında";
- Tütor: Anar Şəmsi;
- Yer: XX-XXI əsrlər Azərbaycan Rəngkarlığı Muzeyi.
Ustad dərsinin iştirakçıları ətraf mühit və onun vizual həllərini abstrakt ekspressionizm janrında təsvir edəcəklər.
17 dekabr – 12:00 (4-8 yaşlı uşaqlar üçün)
- Mövzu: "Sülh içində";
- Tütor: Aytac Namazova;
- Yer: YARAT Müasir İncəsənət Mərkəzi.
Ustad dərsinin iştirakçıları sülhü necə təsəvvür etdiklərini kollaj texnikası vasitəsilə yaradacaqlar, daha sonra onlardan qlobus hazırlayacaqlar.
23 dekabr – 12:00 (8-12 yaşlı uşaqlar üçün)
- Mövzu: "Xəzərin sahilində";
- Tütor: Mələk Bayramlı;
- Yer: XX-XXI əsrlər Azərbaycan Rəngkarlığı Muzeyi;
- Qeydiyyat üçün: 050 251 41 15.
Ustad dərsində iştirakçılar Xəzər dənizinin zəngin rəng çalarlarına üz tutaraq, abstrakt rəng həlləri ilə öz əsərlərini yaradacaqlar. Bu iştirakçılarda müşahidə qabiliyyətinin formalaşmasına imkan yaradacaq.
24 dekabr – 12:00 (4-8 yaşlı uşaqlar üçün)
- Mövzu: "Gələcəyə məktub";
- Tütor: Nəzrin Əlizadə;
- Yer: YARAT Müasir İncəsənət Mərkəzi.
İştirakçılar gələcəyə vermək istədikləri mesajları əvvəlcədən hazırlanmış məktub formaları üzərində müxtəlif sözlər, ifadələr, eləcə də təsvir vasitələri ilə yaradacaqlar.
Ustad dərslərində iştirak etmək üçün qeydiyyatdan keçmək mütləqdir. Əlaqə nömrəsi: 0502469292 (çərşənbə axşamı - bazar, 11:00-18:00).
