YARAT İncəsənət Mərkəzində iyul ayında bir sıra ustad dərslərinin keçirilməsi nəzərdə tutulub. Bu haqda bu gün, 29 iyun tarixində Bakuplus.az YARAT-a istinadən məlumat verir.
“Azadlığa monument” qrup sərgisi çərçivəsində böyüklər üçün “Özünü kəşf et” ustad dərslərinin iyul proqramı:
3 iyul – “Xaosun cazibəsi”
Tütor: Rəşad Babayev
İştirakçılar qarışıq texnika üslubunu təcrübədən keçirəcəklər.
Hər bir iştirakçı kətan üzərində akril və yağlı boyarlarla, həmçinin boya-spreylə rəsm çəkməklə öz yaradıcılığını üzə çıxaracaq və bədii təxəyyüllərini inkişaf etdirmək imkanı əldə edəcəklər.
10 iyul – “Bədii iz”
Tütor: Gülnarə Ələkbərli
Ustad dərsinin iştirakçıları öncə linoqravüra texnikası ilə tanış olacaqlar, daha sonra linoleum səthində öz unikal kompozisiyalarını kəsərək, onu kağız üzərinə köçürəcəklər.
17 iyul – “Özündə şahidi kəşf et”
Tütor: Teymur Daimi
Ustad dərsinin iştirakçıları akril boya və yağlı pastel vasitəsilə daxili dünyalarını ifadə edən əsərlər çəkəcəklər.
24 iyul – “Təbiət”
Tütor: Gülarə İsrafilova
İştirakçılar təbiət və ekologiya mövzusunda kətan üzərində akril boyalarla əsərlər yaradacaqlar.
31 iyul – “Heykəltəraşlıqla tanışlıq”
Tütor: Teymur Rüstəmov
İştirakçılar heykəltaraşlığın əsas prinsipləri ilə tanış olub gildən əsərlər hazırlayacaqlar.
Master-klaslar saat 19:00-da XX-XXI əsrlər Azərbaycan Rəngkarlığı Muzeyində aparılacaq.
Qeydiyyat üçün nömrə: 050 251 41 15 (Qeydiyyat: çərşənbə axşamı – bazar, 12:00-18:00).
