Azərbaycan Dövlət YUĞ Teatrına baş rejissor təyin edilib. Teatrın mətbuat xidmətindən verilən məlumata görə, iyunun 30-da kollektivə yeni baş rejissor təqdim olunub.
Mikayıl Mikayılov 1981-ci ildə Bakıda anadan olub. 2000-2006-cı illərdə Azərbaycan Dövlət Mədəniyyət və İncəsənət Universitetində Kino və teatr rejissorluğu ixtisası üzrə bakalavr və magistr təhsili alıb. 1999-cu ildə Azərbaycan Dövlət Pantomima Teatrında aktyor və rejissor kimi fəaliyyətə başlayan M.Mikayılov 2005-ci ildən Dövlət YUĞ Teatrının rejissorudur.
Rejissorun quruluş verdiyi tamaşalar Azərbaycan, Gürcüstan, Yunanıstan, Rusiya, Ukrayna, İran və Türkiyədə keçirilən beynəlxalq festivallarda uğurla iştirak edib.
Mikayıl Mikayılov Adolf Şapiro, Kama Ginkas, Kirill Serebrennikov, Deklan Donellan, Yoşi Oida, Aleksey Borodin, Sergey Jenovaç kimi görkəmli teatr tənqidçilərinin ustad dərslərində iştirak edib. 2009-cu ildə Çexiyada Milli Teatr və Estates Teatrlarında bir illik xarici təcrübə keçib.
“İlin ən yaxşı gənc aktyoru” (2004), “İlin ən yaxşı gənc rejissoru” (2005) və “Zirvə” (2013) mükafatlarına layiq görülüb.
