Bakının ən turistik ərazilərindən birində qanunsuz parklama yeri təşkil edilib.
Avtosfer.az xəbər verir ki, paytaxtın Səbail rayonu Nigar Rəfibəyli küçəsində “parkovşik”lərin də yer aldığı, heç bir rəsmi ödəniş edilmədən faəliyyət göstərən parklama sürücülərin narazılığna səbəb olub. Narazılığın əsas səbəbi həm parklama yerinin qeyri-rəsmi olması, həm də bu ərazinin şlaqbaumla məhdudlaşdırılmasıdır. Sonralar şlaqbaum qırılıb. Lakin yerdəki dirəyi qalıb, yəqin ki, həmin şlaqbaumu bərpa edəcəklər.
Mərkəzi Univermağın yanında yerləşən bu hissədə “parkovşik”lərin göstərişi ilə avtomobillər hətta səkidə park edir. Bu da ərazidəki parkinqdən təkcə sürücülər yox, həm də piyadaların da narazılığına gətirib çıxarır.
Ərazinin fotoları sosial şəbəkələrdə müzakirələrə səbəb olub. Vətəndaşlar yaranmış problemin aidiyyəti qurumlar tərəfindən təcili həllini gözlədiklərini qeyd ediblər.
