Ötən gün axşam saatlarında yağan güclü yağış və dolu bir sıra yollarda vəziyyəti yenidən pisləşdirib.
Bununla bağlı Bakuplus.az-a Nizami rayonu, Bəhruz Nuriyev küçəsində lentə alınmış görüntülər göndərilib. Videodan da aydın görünür ki, cəmi 10-15 dəqiqə davam edən intensiv yağıntı yolları demək olar ki, keçilməz hala salıb. Küçələrdə suyun səviyyəsi qısa müddətdə artıb.
Sakinlərin sözlərinə görə, yağış bir qədər də davam etsəydi, vəziyyət daha acınacaqlı hal ala bilərdi. Onlar bildirirlər ki, hər dəfə qısa müddətli yağıntı zamanı belə problemlərin yaranması artıq adi hala çevrilib.
