Sabunçu Gənclər Evində “Sağlam gənclik, sağlam gələcək deməkdir!” adlı maarifləndirici tədbir keçiriləcək. Bu haqda 8 mart tarixində Bakuplus.az Sabunçu Gənclər Evinə istinadən xəbər verir.
Sabunçu Gənclər Evində 12 mart saat 15:00-da baş tutacaq tədbir “İnkişafa Doğru Qadın Təşəbbüsü” İctimai Birliyi tərəfindən “Təhlükəli yoluxucu xəstəliklərin profilaktikası məqsədilə ictimai maarifləndirmə tədbirlərinin keçirilməsi” adlı layihə çərçivəsində keçirilir.
Seminarda viruslu hepatitlər və vərəm haqqında, onların simptomları, yoluxma yolları, xəstəlikdən qorunma qaydaları və sair barədə geniş məlumatlar veriləcək.
Tədbirin viruslu hepatitlər mövzusunda təqdimatçısı “İnkişafa Doğru Qadın Təşəbbüsü” İB-nın sədri Ziba Nəbiyeva, vərəm xəstəliyi üzrə təqdimatçısı isə həkim-ekspert Samirə Muxtarovadır. İştirakçılara bukletlər və COVİD-19-un profilaktikasına dəstək olaraq tibbi və gigiyenik vasitələr paylanacaq.
