Bakının mərkəzində Zəfər Gününə həsr olunmuş veloyürüş keçiriləcək. Bu haqda bu gün, 1 noyabr tarixində Bakuplus.az Səbail rayon Gənclər evinə istinadən xəbər verir.
Tədbir 5 noyabr saat 11:00-da Azneft dairəsi yaxınlığında başlayacaq. Marşrut bulvar ərazisindən Hərbi Qənimətlər Parkına qədər davam edəcək. Daha sonra parkda ekskursiya təşkil olunacaq.
Veloyürüşdə Vətən müharibəsi qaziləri, müxtəlif gənclər təşkilatlarının nümayəndələri, həvəskar velosipedçilər, eləcə də Azərbaycan milli komandasının üzvləri iştirak edəcəklər. Tədbirdə iştirak etmək istəyən hər kəs velosiped götürərək yürüşə qoşula bilərlər.
