Bakının İçərişəhər kompleksində qarşıdan gələn Yeni illə bağlı müxtəlif tədbirlər təşkil olunur. Bu haqda bu gün, 26 dekabr tarixində Bakuplus.az “İçərişəhər” Dövlət Tarix-Memarlıq Qoruğu İdarəsinə istinadən məlumat verir.
İçərişəhərin girişində, Qoşa Qala Meydanında dünəndən ənənəvi olmuş “Sehrli qala” Yeni il yarmarkası açılıb. Burada bayram piştaxtaları quraşdırılıb, həm küçə mətbəxi, həm də cürbəcür suvenirlər və hədiyyələr satılır. Yarmarka yanvarın 7-nə kimi davam edəcək.
Dördbucaqlı Qala Meydanında da dekabrın 22-dən yanvarın 2-nə kimi satış sərgisi təşkil olunur. Burada da əl işləri və incəsənət əşyaları almaq mümkündür.
Bununla yanaşı, “Bakı Fotoqrafiya Evi”ndə bu gündən 9 yanvaradək “Qurama Art” sərgisi təşkil olunacaq.
Hər 3 tədbirə giriş sərbəstdir.
Həmçinin kompleksin ərazisində bir sıra sərgilər və tamaşalar keçirilir. Tam siyahı ilə burada tanış olmaq mümkündür.
