Bakının mərkəzində "Formula 1" üzrə Azərbaycan Qran Prisi ilə əlaqədar daha bir ərazi bağlanır. Bu haqda bu gün, 23 may tarixində Bakı şəhər Halqası Əməliyyat Şirkəti (BŞH) məlumat verib.
Azadlıq və Neftçilər prospektlərinin kəsişməsi mayın 23-də saat 23:00-dan yarış bitənədək nəqliyyatın hərəkəti üçün bağlı olacaq. Məhdudiyyətlər hazırlıq işləri ilə bağlı olduğu bildirilir.
Sürücülərdən alternativ yol kimi Zərifə Əliyeva küçəsindən istifadə etmələri xahiş olunur.
Daha öncə, mayın 19-dan Səməd Vurğun və Zərifə Əliyeva küçələrinin kəsişməsindən Neftçilər prospektinə qədər olan yolun bir hissəsi bağlanıb.
