Bakının Nərimanov rayonunda yaşayan 22 yaşlı oğlan sevgi münasibətində olduğu qıza meşədə təcavüz etməkdə ittiham edilib.
2004-cü il təvəllüdlü Tacir sevgili münasibətində olduğu yetkinlik yaşına çatmayan Sara ilə iki dəfə əlaqədə olub.
O, 2024-cü ilin iyul və avqust aylarının dəqiq məlum olmayan günlərində meşə zolağında Saraya qarşı intim hərəkətlər edib.
Tacirin barəsində Cinayət Məcəlləsinin on iki yaşına çatmış, lakin on dörd yaşına çatmayan şəxslə təkrar cinsi əlaqədə olma maddəsi ilə ittiham elan edilib.
Təqsirləndirilən şəxs məhkəmədə deyib ki, Sara ilə cinsi əlaqə nəticəsində Sənan adında bir övladı olub. Zərərçəkmiş ifadəsində Tacirdən heç bir şikayət və tələbinin olmadığını, onunla barışdığını, onu bağışladığını, tutulmasını istəmədiyini deyib. O, sözlərinə əlavə edib ki, Tacir hər gün gələrək uşağa baş çəkir, maddi ehtiyacları ödəyir, uşağın saxlanılmasını təmin edir.
Sara bildirib ki, yaşına görə özü heç bir yerdə işləmir, Tacir tutularsa, uşağın saxlanılması maddi imkan xaricində olacaqdır.
Məhkəmənin hökmü ilə Tacir 6 il müddətinə şərti cəzaya məhkum edilib.
Bundan başqa, Tacirin üzərinə övladı Sənanın saxlanılmasına maddi yardım göstərmək, davranışı üzərində nəzarəti həyata keçirən orqanlara məlumat vermədən iş yerini, daimi yaşayış yerini dəyişməmək və həmin orqanın çağırışına vaxtında gəlmək vəzifələri qoyulub.
Qeyd edək ki, adlar şərti verilib.
Mənbə: demokrat.аz
