Bakıda parklanma və səki problemləri həllini tapmayan məsələlər arasındadır.
Bakuplus.az xəbər verir ki, belə problemlərdən biri də Nəsimi rayonu, Nəsib bəy Yusifbəyli küçəsindədir. Məlumata görə, sözügedən küçədə piyadalar üçün nəzərdə tutulmuş səkilər zəbt edilib.
Bu barədə şəkillər sosial şəbəkələrdə yayılıb. Görüntülərdən də göründüyü kimi insanlar səkilərdə park edilən maşınlara görə avtomobil yoluna çıxmağa məcbur olurlar. Bu da həm piyadalar, həm də sürücülər üçün təhlükəli sonla bitə bilər.
Təəssüf ki, bədbəxt hadisə baş verdikdən sonra isə ya sürücü, ya da piyada günahlandırılacaq.
