Bakı-Quba magistral avtomobil yolunda baş verən yol-nəqliyyat hadisəsi səbəbilə Sumqayıt Tibb Mərkəzinin nəzdində olan tibb müəssisələrinə təxliyə olunan şəxslərdən 2-si müvafiq tibb müəssisələrinə, 5 nəfər isə ambulator müalicə üçün evə buraxılıb.
Sumqayıt Tibb Mərkəzindən Bakuplus.az-a verilən məlumata görə, qəzada yaralananlardan biri müğənni Ayla Şiriyevadır.
Reanimasiya şöbəsində müalicəsi davam etdirilən 2 nəfərdən 1-i Elmi-Tədqiqat Travmatologiya və Ortopediya İnstitutuna, müğənni Ayla Şiriyeva isə özəl müəssisəyə təxliyə olunub.
Yaxınlarının yazılı iltizamnaməsi ilə Uşaq Xəstəxanasına hospitalizasiya olunan 4, Təcili Tibbi Yardım Xəstəxanasına hospitalizasiya olunan 1 nəfər müalicə üçün evə buraxılıb.
